Lo Parlament Europèu a concedit lo prèmi Sàkharov de Libertats e de Dreches Umans al director de cinèma ucrainés Oleg Sentsov, empresonat a Russia. L'anóncia l'a facha lo president del Eurocambra, Antonio Tajani, e es estat aculhit amb fòrts aplaudiments.
Lo Parlament Europèu considèra lo cineasta un simbòl de la lucha dels preses politics a Russia e ne reclama la desliurança immediata. Fa unes jorns abandonèt una cauma de fam de près de cinc meses, doncas que lo sieu estat de salut èra fòrça precari.
Nascut a Crimèa, Sentsov foguèt detengut mentre preparava una pellicula sus la annexió russa d'aquela peninsula. Jutjat per un tribunal rus lo 2015, complís condemna de 20 ans acusats de complòt per cometre d'actes terroristas contra lo govèrn rus a Crimèa, en un procès plen d'irregularitats.
La candidatura de Oleg Sentsov a recebut lo supòrt principalament de las fòrças conservadoras e liberalas de la Eurocambra, e s'es impausat a l'autre favorit, los grops de l'ONG al Mediterrani qu'ajudan los refugiats a la mar, que i a entre el l'organizacion catalana Proactiva Open Arms.