Lo president de Turquia, Recep Tayyib Erdogan, a comparegut uèi per informar que lo jornalista saudita foguèt assassinat a l’ambaissada saudita a Istambul ‘de manièra crusèla’ e ‘planificada’. Aital, a afirmat que ‘l'informacion e las pròvas’ reculhidas indican fins ara que foguèt ‘una operacion planificada’ per l'aucir. Una version en contra de las explicacions oficialas de la monarquia dels Saüd, qu'aviá dich que la mòrt del jornalista foguèt causa d’un afrontament accidental entre los agents de l’ambaissada e Jamal Khaixoggi.
De mai, Erdogan a explicat que i a dètz-e-uèch meses en examen pel crim. Per aquò, a demandat que sián jutjats a Istambul e pas als tribunals de l’Arabia Saudita, e que trucarà al monarca Salman per li demandar. A considerat tanben que cal que la comunitat internacionala s’implique en l'investigacion ‘imparciala’ per trobar lo còrs de Khaixoggi e los motius de lo sieu assassinat:’Dobti pas de la sinceritat del rei saudita, mas cal una delegacion vertadièrament imparciala que meta en examen los faches’.
Lo jornalista e dissident saudita desapareguèt la 2 d’en octòbre, quand anèt a l'assolaçat saudita a Istambol per reculhir unes documents per la licéncia de matrimòni. En un primièr moment, l’Arabia Saudita provèt de se desligar de la mòrt del jornalista e assegurèt que lo jornalista èra sortit de l’ambaissada per lo sieu pròpri prètz. Après las pressions e las evidéncias, rectifiquèt e diguèt que Khaixoggi èra mòrt en s'afrontar amb autras agents de l’ambaissada.
Uèi Erdogan a relatat que lo meteis jorn un grop de quinze membres dels servicis d’intelligéncia saudita viatgèron dins la capitala de Turquia. Segon Erdogan, sièis d’aqueles retornèron a l’Arabia Saudita al cap de paucas oras e una d’eles aviá una ‘aparència similara a la de Khaixoggi’, doncas que portava ‘las meteissas lunetas, vestits e barba’. Per la siá banda, las autoritats turcas inicièron tanben las siás investigacions en essent ‘en contacte’ amb Riyad.
