Reünion bilaterala entre la Russia e la China al Kremlin

Reünion bilaterala entre ls Russia e la China, just en lo moment de las piègers relacions comercialas entre l'estat asiatic e los Estats Units. "En los darrièrs ans, las relacions entre la Russia e la China son arribadas a un nivèl sens precedents, en granda partida mercés a lor dirècta participacion", a comentat lo president rus, Vladimir Putin, en s'adreçant al president chinés, XiJinping, amb qui s'es trobat uèi al Kremlin.

XiJinping es estat recebut per una gàrdia d'onor a l'aeropòrt Vnukovo-2 de Moscòu e abans de veire Putin s'es trobat amb lo ministre rus pel Desvolopament de l'Extrèm Orient e l'Artic, Aleksandr Kozlov, e d'autres foncionaris.

Après los collòquis, Xi e Putin an participat a la ceremònia de liurament de dos pandas gigants chineses al pargue zoologic de Moscòu. Mai tard, los dos caps d'estat assistiràn a un concèrt al Bolshoi, pels 70 ans de las relacions diplomaticas entre Moscòu e Pequin. Dijòus e divendres, XiJinping participarà al Fòrom Economic Internacional de Sant Petersborg.