Se lo sèses de plans s'acompliguèsson, doncas, en mens de dètz-e-uèch meses Escòcia tornariá se prononciar sus la siá sobeiranetat, pauc mens de sèt ans après qu'o faguèsse lo 18 de setembre del 2014. Alavetz, amb una participacion superiora a 80% del cens electoral, los escocesses renoncièron a la constitucion d'un nòu estat per una diferéncia de dètz ponches.
Coma part del nòu procès cap a la possibla independéncia del país, lo govèrn del Partit Nacional Escocés (SNP, per las siglas en anglés) presentarà dins la cambra d'Edimburg la nòva lei que li cal permetre la celebracion de la consulta.
Amb tot, aquel seriá solament lo primièr passatge per menar a tèrme lo referendum, se mai pas cossent damb l'anterior procès, pactat lo 15 d'octòbre del 2012 en l'Acòrdi d'Edimburg entre David Cameron e Alex Salmond, alavetz primièrs ministres britanic e escocés, respectivament. Alavetz Escòcia obtenguèt la transferéncia dels poders del Parlament de Westminster per celebrar lo referendum. Lo procès que tracta ara d'avançar Sturgeon, mas, ensaja evitar lo passatge de l'obtencion del permís, pas tant per far lo referendum mas per aver la lei preparada per lo far.
A oras d'ara, la possibilitat de pactar la transferéncia dels poders per celebrar un referendum legal e en ligant, coma foguèt lo del 2014, amb l'actual govèrn conservador –que presidís per ara Theresa May–, sembla improbable.
La polemica anóncia de Sturgeon, qu'a provocat dins lo Parlament un malaisit debat que contunha encara, debana en lo contèxt del caotic procès del Brexit qu'es immergit lo Reialme Unit –e tanben paralisat– e quand mancan tres jorns per la celebracion del congrès de prima del Partit Nacional Escocés, dividit entre la prèssa dels mai radicales e la moderacion dels mai realistas, que considèran que los escocesses an demostrat pas encara majoritàriament lo desir de repetir l'experiéncia del 2014.
En quin cas que siá, lo Brexit e la possibla sortida d'Escòcia de l'Union Europèa contra la siá volontat son un dels motors de la decision qu'a mes aquel miègjorn Sturgeonsus la taula.