Segon l’informi de l’Observatòri del Deute Social de l’UCA, l’Argentina passèt d’un periòde de brèu creissement de l’economia en lo tresen trimèstre del 2017 a un fòrt arrèst. En aquel contèxt, lo Govèrn declarèt una situacion d’emergéncia e demandèt ajuda al Fons Monetari Internacional (FMI) per evitar la suspension de pagaments del deute extèrne.
"Lo nòu scenari a vengut efectiu sus las intradas realas que ne dispausan los larèrs per un deteriorament del poder adquisitiu dels salaris, las prestacions per jubilacion e las prestacions socialas", indica l’estudi. Las circonstàncias, apondèt, contribuisson pas a la creacion d’aucupacion. Los efièches de la praubesa, que Macri aviá promés redusir a zèro pendent la siá campanha electorala del 2015, arriban als supermercats. Las crompas queigueren 5,9% solament en novembre.
Qualques enquèstas asseguran que se las eleccions presidencialas foguèsson uèi, Cambiam, la coalicion catolica e de drechas que governa lo país dempuèi decembre del 2015, obtendriá lo tresen luòc. 48,1% dels enquestats an una opinion dolenta o fòrça dolenta de Macri. Lo Centri d’Estudis d’Opinion Publica (CEOP) informèt que sièis de cada dètz argentines creson que l’caumatge e la praubesa s’an aumentat en los darrièrs tres ans coma consequéncia de las politicas del macrisme.
Malgrat los numèros advèrses, lo president convoquèt la siá coalicion a èsser "fòrts" e aver "conviccion prigonda" que los cambiaments realizats auràn d'efièches bones a comptar de l’an que ven, quand se realizaràn las presidencialas. "Cossí jamai abans en la miá vida soi de mai en mai segur, convencut, que i a pas cap de autre camin", diguèt en relacion amb lo fòrt ajustament portat endavant dins los darrièrs meses.